وزیر داخلہ شیخ رشید کا کہنا ہے کہ آئندہ 48 گھنٹے اہم ہیں، سیاست نیا رخ اختیار کرسکتی ہے۔

 شیخ رشید نے کہا کہ رولز اور طریقہ کار کےمطابق گورنر وزیراعلیٰ کوبلا کر استعفےکی تصدیق کرتاہے، تصدیق کے دو سے تین روز بعد استعفیٰ منظور ہوجاتا ہے۔

انہوں نے کہا کہ آئندہ 48 گھنٹے اہم ہیں، جمعہ اور ہفتےکی رات 12 بجے تک کا وقت اہم ہے، اسلام آباد میں گہما گہمی ہے ابھی کوئی چیز فائنل نہیں ہوئی، قوم جمعہ اور ہفتے کی رات تک انتظار کرے، سیاست نیا رخ اختیار کرسکتی ہے۔شیخ  رشید کاکہنا  تھا کہ حالات پر گہری  نظر ہے اور سیاسی حالات کے مطابق فیصلہ کروں گا۔

دوسری جانب وزیراعلیٰ پنجاب عثمان بزدار کی جانب سے آج وزارت اعلیٰ چھوڑے جانے کا امکان ہے۔ذرائع کا بتانا ہے کہ سردار عثمان بزدار آج ایوان وزیراعلیٰ میں آخری تقریب میں شرکت کریں گے، ایوان وزیراعلیٰ میں وقار النساء یونیورسٹی راولپنڈی کے سنگ بنیاد کی تقریب ہو گی۔