وزیرداخلہ شیخ رشید کا کہنا ہے کہ نہیں پتہ پرسوں سیاست میں ہونا ہے یا کہاں ہونا ہے، وزیرِ اعظم عمران خان کے خلاف عدم اعتماد کامیاب بھی ہو جائے لیکن ان مُرداروں سے شکست نہیں مانیں گے۔

یونیورسٹی چارٹر کی گراونڈ بریکنگ تقریب سے خطاب کرتے ہوئے کہ  چور، ڈاکو ، لٹیرے سب عمران خان کے خلاف  اکھٹے ہوگئے ، پیر کو سیاست سے ریٹائر ہونا چاہتا تھا لیکن  عمران خان کو اکیلا نہیں چھوڑنا چاہتا ۔ انہوں نے کہا کہ راولپنڈی خریدنے اور بکنے والوں کو پسند نہیں کرتا ، نہ ہی غداروں کو پسند  کرتا ۔

سیاست سے متعلق شیخ رشید نے کہا کہ پرسوں کی سیاست میں پتہ نہیں کہاں ہونا ہے البتہ پاکستان کی سیاست میں کل کا دن اہم ہے۔انھوں نے کہا کہ بعض چور،لٹیرے،باہر محل تعمیر کرنے والے عمران خان کے خلاف ہوگئے ہیں لیکن شیخ رشید چٹان کی طرح عمران خان کے ساتھ کھڑا رہے گا۔

انھوں نے کہا کہ جو نسلی اور اصلی ہے،وہ مشکل میں کھڑا ہوتا ہے جبکہ راولپنڈی شہرغدارکو پسند نہیں کرتا۔.شیخ رشید نے واضح کردیا کہ چاہےاتوارکےروزعمران خان کے خلاف عدم اعتماد کامیاب بھی ہوجائے لیکن عمران خان ان مرداروں سے شکست نہیں مانے گا،اس نے اگرچوک چوراہے کی سیاست کی تو راولپنڈی کا بچہ بچہ ساتھ ہوگا۔

وزیرداخلہ نے کہا کہ پاکستان کے ذمہ داروں سے کہوں گا کہ دنیا میں بحران ہے،آگے بڑھ کر حج کے بعد انتخابات کا فیصلہ کریں تاکہ قوم بھی جلد فیصلے کرسکے۔انھوں نے یہ بھی کہا کہ نئے انتخابات اس لیے ضروری ہیں تا کہ جو ضمیر فروشی کرتے ہیں ان کو مسترد کیا جائے