اپوزیشن لیڈر شہباز شریف نےتحریک عدم اعتماد کے روز فول پروف سیکیورٹی مانگ لی، انہوں نے  وفاقی سیکرٹری داخلہ کو فول پروف سیکیورٹی کیلیئے خط بھی لکھ دیا ۔

اپوزیشن لیڈر شہبازشریف نے سیکریٹری داخلہ کولکھے گئے خط میں تحریک عدم اعتماد کے روز فول پروف سیکورٹی فراہم کرنے کا مطالبہ کردیا۔شہباز شریف کا خط میں کہنا تھا کہ وزیراعظم نے اعلان کیا ہے کہ تحریک عدم اعتماد کے دن پی ٹی آئی کے ایک لاکھ سپورٹر پہنچیں گے اس لئے اپوزیشن ارکان کی سیکورٹی بڑھائی جائے۔

خط میں مزید کہا گیا ہے کہ اپوزیشن ارکان کی سیکورٹی یقینی بنانے کے لئے ضلعی انتظامیہ اورپولیس آئین اورقانون کے مطابق فرائض انجام دے۔شہبازشریف نے نئے وزیراعظم کے انتخاب کے دن بھی فول پروف سیکورٹی دینے کا مطالبہ کیا ہے۔ خط کی کاپی کمشنراسلام آباد، ڈی سی اورآئی جی کوبھی ارسال کی گئی ہے۔