وفاقی حکومت نے وزیراعظم کے خلاف تحریک عدم اعتماد کیلئے حکمت عملی طے کر لی ہے۔

ملتان میں میڈیا سے گفتگو کرتے ہوئے وزیر اعظم کےمعاون خصوصی  برائے سیاسی امور عامر ڈوگر نے کہا کہ تحریک عدم اعتماد پر میچ اب آخری اوورز میں چلا گیا ہے، عمران خان ہی سرخرو ہوں گے۔

عامر ڈوگر کا کہنا تھا کہ عمران خان عدم اعتماد کے دن پارلیمنٹ نہیں جائیں گے، تاہم وزیراعظم نے ووٹنگ کے دن کیلئے خصوصی ٹیم تشکیل دے دی ہے۔ انہوں نے کہا کہ وزیر اعظم نے حکومتی اراکین اسمبلی کو اتوار کے روز اجلاس میں جانے سے روکا ہے، جوحکومتی اراکین اپنی حکومت کےخلاف ووٹ دینگے وہ تاحیات نااہل ہوں گے۔

یاد رہے کہ وزیراعظم کیخلاف تحریک عدم اعتماد پر ووٹنگ 3 اپریل اتوار کے روز ہو گی۔