وزیر اعظم عمران خان کی سابقہ اہلیہ جمائمہ گولڈ اسمتھ نے پاکستانی امریکن گلوکارہ عروج آفتاب کو گریمی ایوارڈ جیتنے پر مبارک باد دی ہے۔
اپنے ٹوئٹر پیغام میں جمائمہ گولڈ اسمتھ نے کہا کہ میں عروج آفتاب کو مبارک باد پیش کرتی ہوں، عروج آفتاب وہ پہلی پاکستانی سنگر ہیں جنہوں نے گریمی ایوارڈ حاصل کیا ہے۔
Congratulations to the sensational @arooj_aftab on being the first Pakistani singer to win a Grammy.
👏🏼👏🏼👏🏼👏🏼 pic.twitter.com/XFWPGKK1il— Jemima Goldsmith (@Jemima_Khan) April 5, 2022
واضح رہے کہ پاکستانی امریکن گلوکارہ عروج آفتاب نے دنیائے موسیقی کے اعلیٰ ترین گریمی ایوارڈز میں اپنے گانے ’محبت‘ کے لیے بہترین گلوبل میوزک پرفارمنس کا ایوارڈ جیتا ہے۔
گریمی ایوارڈز کی بیسٹ گلوبل پرفارمنس کیٹگری میں عروج کا گیت ’محبت‘ چنا گیا۔
یاد رہے کہ پاکستانی گلوکارہ عروج آفتاب کو دنیائے موسیقی کے اعلیٰ ترین گریمی ایوارڈ کیلئے نامزد کیا گیا تھا، یہ پہلا موقع تھا کہ جب کسی پاکستانی گلوکارہ کو 2 کیٹیگریز میں نامزد کیا گیا۔
