آئی ایس پی آر کے مطابق آرمی چیف جنرل قمر جاوید باجوہ سے کینیڈا کی ڈپٹی وزیر خارجہ کی آج ہونے والی ملاقات میں باہمی دلچسپی کے امور اور دو طرفہ تعلقات پر تبادلہ خیال کیا گیا۔

ملاقات میں خطے کی صورتحال اور افغانستان کے امور پر بھی گفتگو کی گئی، کینیڈا کی ڈپٹی وزیر خارجہ مارٹا مورگن نے خطے میں امن اور افغانستان میں انخلا آپریشن کے دوران پاکستان کے کردار کو سراہا۔ اس موقع پر آرمی چیف جنرل قمر جاوید کا کہنا تھا کہ  عالمی برادری کو افغانستان کو بحران اور انسانی المیے سے بچانے کیلئے کوششیں کرنا ہوں گی۔

ملاقات کے دوران چیف آف آرمی اسٹاف جنرل قمر جاوید باجوہ نے کہا کہ پاکستان کینیڈا کے ساتھ دیرپا اور روایتی تعلقات کا خواہاں ہے۔آئی ایس پی آر کے مطابق کینیڈا کی ڈپٹی وزیر خارجہ مارٹا مورگن نے دونوں ممالک کے تعلقات میں بہتری کیلئے کردار ادا کرنے کے عزم کا بھی اظہار کیا۔