مسلم لیگ ق کے رہنماء مونس الٰہی حمزہ شہباز کو فلیٹیز ہوٹل کا وزیراعلیٰ قرار دیتے ہوئے انہیں مبارکباد پیش کی ہے۔
ٹوئٹر پر جاری اپنے بیان میں مونس الٰہی نے کہا کہ حمزہ صاحب آپ کو فلیٹیز ہوٹل کا وزیراعلیٰ بننا مبارک ہو۔
حمزہ صاحب مبارک ہو Faletti’s Hotel کا CM بننے پر pic.twitter.com/fA9ABd2N32
— Moonis Elahi (@MoonisElahi6) April 6, 2022
لاہور کے نجی ہوٹل میں متحدہ اپوزیشن کی جانب سے پنجاب اسمبلی کا علامتی اجلاس منعقد ہوا جس میں حمزہ شہباز کو وزیراعلیٰ بنانے کی قرارداد پیش کی گئی، جسے 199 اراکین پنجاب اسمبلی نے منظور کر لیا۔
واضح رہے کہ پنجاب اسمبلی کا اجلاس اسمبلی میں توڑ پھوڑ کے باعث 16 اپریل تک ملتوی کر دیا گیا تھا، لیکن ڈپٹی اسپیکر پنجاب اسمبلی دوست محمد مزاری نے یہ اجلاس آج شام دوبارہ طلب کر لیا تھا، جس کے بعد پاکستان تحریک انصاف نے ڈپٹی اسپیکر پنجاب اسمبلی کے خلاف تحریک عدم اعتماد جمع کرائی تھی۔
