عالمی ادارہ صحت کے مطابق دنیا کی 99 فی صد آبادی آلودہ ہوا میں سانس لے رہی ہے ہر سال 1 کروڑ 30 لاکھ لوگ ماحولیاتی مسائل کی بنا پر موت کے منہ میں چلے جاتے ہیں جن میں 70 لاکھ سے زیادہ وہ لوگ ہیں جو فضائی آلودگی کی وجہ سے مرتے ہیں۔
ویانا – (اے پی پی): امریکی نشریاتی ادارے کے مطابق ڈبلیو ایچ او کے شعبہ ماحولیات، موسمیاتی تبدیلی اور صحت میں تکنیکی افسر سوفی گمی نے میڈیا کو بتایا کہ عملی طور پر پوری دنیا غیر صحت مند ہوا میں سانس لے رہی ہے اعدادوشمار سے پتا چلتا ہے کہ مشرقی بحرہ روم، جنوب مشرقی ایشیائی اور افریقی خطوں میں ہوا کا معیار سب سے زیادہ ناقص ہے۔
انہوں نے بتایاکہ ہمیں توانائی کے صاف، جدید ، پائیدار اور قابل تجدید ذرائع کی طرف منتقلی کو تیز کرنےتوانائی پیدا کرنے کے لیے فوصل ایندھن پر انحصار ختم کرنے محفوظ اور سستی پبلک ٹرانسپورٹ سسٹم کی تعمیر، گاڑیوں کے دھویں کی روک تھام،کم توانائی استعمال کرنے والے مکانات اور پاور جنریشن میں سرمایہ کاری اور صنعت اور میونسپل فضلے کو تلف کرنے کے کام کو مزید بہتر بنانے کی ضرورت ہے۔