پاکستان اور عالمی صرافہ مارکیٹ میں آج سونے کی قیمت میں اضافے کا رجحان ریکارڈ کیا گیا ہے۔

سندھ صرافہ بازار جیولرز ایسوسی ایشن کے مطابق آج پاکستان میں 1500 روپے کے اضافے کے بعد  فی تولہ سونےکی قیمت ایک لاکھ 34 ہزار 300 روپے ہو گئی ہے۔ 10 گرام سونے کی قیمت بھی 1286 روپے کےاضافے کے بعد ایک لاکھ 15 ہزار 141 روپے ہو گئی ہے۔

 ملکی تاریخ میں فی تولہ سونےکی یہ بلند ترین قیمت ہے، اس سے قبل فی تولہ سونے کی قیمت  ایک لاکھ 32 ہزار 800 روپے کی انتہا کو پہنچی تھی۔

دوسری جانب عالمی صرافہ مارکیٹ میں سونے کی قیمت میں کمی ہوئی ہے، جہاں فی اونس سونے کی قیمت 1 ڈالر کی کمی  کے بعد  1927 ڈالر پرپہنچ گئی ہے۔

یاد رہے کہ گزشتہ روز بھی پاکستان میں فی تولہ سونے کی قیمت میں 800 روپے کا اضافہ ہوا تھا۔