وزیراعظم عمران خان نے کہا ہے کہ جب کسی  قوم کی اخلاقیات ختم ہوجاتی ہیں توکرپشن میں اضافہ ہوتا ہے۔

اسلام آباد میں سول سورسز اکیڈمی کی انعامات تقسیم کرنے کی تقریب سے خطاب کرتےہوئے وزیراعظم عمران خان نے کہا کہ کرپشن اخلاقی تباہی کی نشانی ہے، جب جب ایلیٹ کی اخلاقیات گرتی ہیں تو معیشت بھی گرجاتی ہے۔ان کا کہنا تھا کہ  کرپشن اخلاقی تباہی کی نشانی ہے، جس طرح کینسر کی وجہ ایک پھوڑا نکلتا ہے اسی جب ایک قوم میں جب اخلاقیات ختم ہوتی ہے تو کرپشن نکل آتی ہے۔

عمران خان کا کہنا تھا کہ سب سےبڑی قوت ایمان کی ہوتی ہے جبکہ آزمائش کے وقت پتہ چلتا ہے کہ انسان کتنا مضبوط ہے۔

#Live: Prime Minister @ImranKhanPTI addressing a ceremony in #Islamabad https://t.co/lKgRDN9NDS

— Radio Pakistan (@RadioPakistan) November 9, 2021

 وزیراعظم کا کہنا تھا کہ بڑاانسان وہ ہوتاہےجس کاخواب بڑاہوتاہے جبکہ انسان کاامتحان تب ہوتاہےجب وہ آزمایاجاتاہے۔ عمران خان کا یہ بھی کہنا تھا کہ حق پرکھڑےانسان کوکبھی کمزورنہ سمجھیں، بنگلہ دیش کوپاکستان پربوجھ سمجھا جاتا تھا لیکن وہ بھی آج ہم سےآگےنکل گیا ۔ان کا کہنا تھا کہ ہمارے ملک میں آہستہ آہستہ اخلاقیات گریں پھر ہماری معیشت گرنا شروع ہوئی۔انہوں نے کہا کہ جب ایلیٹ کی اخلاقیات گرتی ہیں تو معیشت بھی گرجاتی ہے۔