وزیراعظم عمران خان کی زیر صدارت وفاقی کابینہ کا اہم اجلاس شروع ہو گیا ہے۔
یاد رہے کہ گزشتہ روز وزیراعظم عمران خان نے ٹوئٹر پر اپنے بیان میں کہا تھا کہ میں وفاقی کابینہ اور پارلیمانی پارٹی کے اجلاس طلب کئے ہیں، اور شام میں قوم سے خطاب بھی کروں گا۔ سپریم کورٹ کے فیصلے کے بعد کی سیاسی صورتحال پر ان کا کہنا تھا کہ میں ہمیشہ پاکستان کیلئے لڑا ہوں اور آخری لمحے آخری گیند تک مقابلہ کرتا رہوں گا۔
میں نے کل وفاقی کابینہ اور اپنی پارلیمانی پارٹی کے اجلاس طلب کئے ہیں جبکہ شام میں قوم سے مخاطب ہوں گا۔ قوم کیلئے میرا پیغام ہے کہ میں ہمیشہ پاکستان کیلئے لڑا ہوں اور آخری لمحے آخری گیند تک مقابلہ کرتا رہوں گا۔
— Imran Khan (@ImranKhanPTI) April 7, 2022
واضح رہے کہ سپریم کورٹ کی جانب سے ڈپٹی اسپیکر قاسم سوری کی رولنگ اور وزیراعظم کے اسمبلیاں تحلیل کرنے کے فیصلے کے بعد آج کے اجلاسوں میں اہم فیصلے متوقع ہیں۔
اجلاس میں مبینہ غیر ملکی دھمکی آمیز خط کے اوپر مشاورت ہوگی اور اجلاس کے دوران آئندہ کے لائحہ عمل پر مشاورت کی جائے گی۔
بعد ازاں وزیراعظم قوم سے خطاب بھی کریں گے۔
