آرمی چیف جنرل قمر جاوید باجوہ نے کہا ہے کہ ہمیں دفاعی خودمختاری کے حوالے سے حاصل کی گئی کامیابیوں پر فخر ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے آج ہیوی انڈسٹریز ٹیکسلا کا دورہ کیا، جہاں انہیں ہیوی انڈسٹریز کی صلاحیت اور جاری منصوبوں پر بریفنگ دی گئی۔آرمی چیف نے ہیوی انڈسٹریز ٹیکسلا کی مختلف تنصیبات کا دورہ کیا اور انہیں ٹینکوں کے ریموٹ ویپن سسٹم اور آرٹلری گن بیرلزپر بھی بریفنگ دی گئی۔ آرمی چیف کو مختلف یونٹس کی ماڈرنائزیشن کے بارےمیں بھی آگاہ کیا گیا۔

آئی ایس پی آر کے مطابق آرمی چیف جنرل قمر جاوید باجوہ نے کہا کہ دفاعی پیداوارمیں خودانحصاری کسی بھی ملک کی پہچان ہوتی ہے،  افسران اور ورکرز جدید دفاعی پیدواری صنعت کے لیے کوشاں ہیں۔