پاکستان تحریک انصاف (پی ٹی آئی) کے چیئرمین اور سابق وزیر اعظم عمران خان نے پارٹی کی کور کمیٹی کا اجلاس طلب کر لیا۔
سماجی رابطے کی ویب سائٹ ٹوئٹر پر سینیٹر فیصل جاوید نے بتایا کہ پاکستان تحریک انصاف کے چیئرمین عمران خان نے آج پارٹی کی کور کمیٹی کا اجلاس بلا لیا ہے، عمران خان آئندہ کے لائحہ عمل کا اعلان کریں گے۔
پاکستان تحریک انصاف کے چیئرمین عمران خان نے آج پارٹی کی کور کمیٹی کا اجلاس بلا لیا – عمران خان آیندہ کے لاحہ عمل کا اعلان کریں گے – انشاء اللہ
— Faisal Javed Khan (@FaisalJavedKhan) April 9, 2022
ذرائع کے مطابق اجلاس میں ملکی سیاسی صورتحال پر تبادلہ خیال ہو گا، اس کے علاوہ اجلاس میں ملک بھر میں آج ہونے والے ممکنہ احتجاج سے متعلق غور ہو گا۔
واضح رہے کہ عمران خان کے خلاف قومی اسمبلی میں جمع کرائی گئی تحریک عدم اعتماد 174 ووٹوں سے کامیاب ہوئی۔
