ڈیجیٹل میڈیا پر وزیراعظم عمران خان کے سابق فوکل پرسن ڈاکٹر ارسلان خالد کے گھر پر رات گئے چھاپہ مارا گیا۔
عمران خان کے فوکل پرسن ڈاکٹر ارسلان کے گھر پر چھاپہ مارا گیا جس دوران چھاپہ مار ٹیم لیب ٹاپ ، موبائیل فون اور دیگر سامان بھی قبضے میں لے کر ساتھ لے گئی ۔پاکستان تحریک انصاف کی طرف سے بتایا گیا ہے کہ ڈاکٹر ارسلان کے گھر پر چھاپہ مارا گیا اور نامعلوم افراد الیکٹرانکس اشیاء بھی اپنے ساتھ لے گئے۔
سابق وفاقی وزیر اور پاکستان تحریک انصاف کے سینئر رہنما اسد عمر نے چیئرمین پاکستان تحریک انصاف عمران خان کے فوکل پرسن کے گھر پر چھاپے کی شدید الفاظ میں مذمت کی ۔
Raid on @arslankhalid_m house is highly condemnable. Patriotic youth like dr. Arslan are an asset for the nation
— Asad Umar (@Asad_Umar) April 10, 2022
سابق وفاقی وزیر فواد چودھری نے بھی ارسلان خالد کے گھر پر حملے کی خبروں پر تشویش کا اظہار کرتے ہوئے کہا کہ ارسلان انتہائی با صلاحیت ، زیرک اور مخلص نوجوان ہے ۔فواد چودھری نے مزید کہا کہ پوری تحریک انصاف ارسلان خالد کے ساتھ سیسہ پلائی دیوار کی طرح کھڑی ہو گی۔
ڈاکٹر ارسلان خالد کے گھر پر حملہ کی خبروں پر انتہائ تشویش ہے ، ارسلان انتہائ باصلاحیت زیرک اور مخلص نوجوان ہے، پوری تحریک انصاف ارسلان خالد کے ساتھ سیسہ پلائ دیوار کی طرح کھڑی ہو گی۔ #WeStandWithArsalanKhalid
— Ch Fawad Hussain (@fawadchaudhry) April 10, 2022
