پاکستان کی موجودہ سیاسی صورتحال پر پوری دنیا سمیت بھارت بھی نظریں جمائے بیٹھا ہے، 9 اپریل 2022 پاکستانی سیاست کا سنسنی خیز دن رہا۔
تفصیلات کے مطابق عمران خان کے خلاف اپوزیشن کی جانب سے جمع کرائی گئی تحریکِ عدم اعتماد پر رات 12 بجے کے بعد ووٹنگ ہوئی اور یوں 174 ووٹوں کے ساتھ یہ قرارداد کامیاب ہوئی۔
ایسے میں بھارت کی مایہ ناز صحافی برکھا دت نے ٹوئٹر پر پاکستان کی سیاسی صورتحال کے حوالے سے یکے بعد دیگرے ٹوئٹس کیں اور اپنے خیال کا اظہار کیا۔
Pakistan beats Netflix.
— barkha dutt (@BDUTT) April 9, 2022
برکھا دت نے گزشتہ روز کو ویڈیو اسٹریمنگ ایپ نیٹ فلکس سے تشبیہہ دی اور کہا کہ پاکستان میں اس قدر دلچسپ صورتحال ہے کہ اس ملک نے نیٹ فلکس کو بھی مات دے دی ہے۔
The more interesting story is what payback there will be for Imran Khan. His defeat is a done deal.
— barkha dutt (@BDUTT) April 9, 2022
اپنی ایک اور ٹوئٹ میں برکھا دت نے لکھا کہ اس سے بھی زیادہ دلچسپ یہ ہے کہ عمران خان کو بدلے میں کیا ملے گا، ان کی شکست ایک مکمل سودا ہے۔
