سابق وفاقی وزیر داخلہ شیخ رشید نے کہا ہے کہ ملک میں خانہ جنگی کے حالات پیدا ہو گئے ہیں، اس طرح ملک نہیں چل سکتا، فوری طور پر عام انتخابات کا اعلان کیا جائے۔

راولپنڈی میں لال حویلی پر جلسے سے خطاب کرتے ہوئے شیخ رشید  نے اعلان کیا کہ میں عمران خان کی حمایت میں جیل بھرو تحریک کا اعلان کرتا ہوں۔ انہوں نے کہا کہ میں نے اگر اس امپورٹڈ حکومت کو ختم نہ کیا تو میرا نام شہبازشریف رکھ دینا۔

شیخ رشید نے کہا کہ صرف عمران خان کو ہٹانے کیلئے سب ایک ہو گئے ہیں، ایک عمران خان کےخلاف سارے اکٹھے ہو گئے ہیں میں ساری قوم کو عمران خان کے پیچھےکھڑا کروں گا۔ انہوں نے کارکنان سے کہا کہ تیاری پکڑو، اسی مہینے نقشہ بدل جائے گا۔