کوٹری اسٹیشن کے قریب نامعلوم افراد نے ریلوے ٹریک کو دھماکہ خیز مواد سے اڑادیا ہے۔

تفصیلات کے مطابق کوٹری اسٹیشن کے قریب ڈاؤن ٹریک پر آتش گیر مادے سے حملہ کیا گیا ہے، دھماکے کے باعث ریلوے کی پٹری کا ایک فٹ کا ٹکڑا ٹوٹ گیا، جس کے باعث ٹرینوں کو کوٹری، حیدرآباد اور بھولاری سمیت دیگر اسٹیشنوں پر روک دیا گیا ہے۔

واقعے کے بعد ریلوے حکام نے بم ڈسپوزیبل سکواڈ کو طلب کر لیا ہے، اور ریلوے پولیس، ڈسٹرکٹ پولیس اور رینجرز بھی جائے حادثہ پر پہنچ چکی ہے۔

ریلوے حکام کے مطابق دھماکےکےمقام سے چند منٹ قبل ہزارہ ایکسپریس گزری تھی، واقعے کے بعد حیدرآباد سےکراچی جانے والےٹرینوں کی روانگی فی الحال روک دی گئی ہے۔

جائے حادثہ کو سیکیورٹی فورسز نے گھیرے میں لیکر ملزمان کی تلاش شروع کر دی ہے۔