وسیم اکرم کی اہلیہ شنیرا اکرم نے بلآخر بتادیا کہ آج ورلڈکپ ٹی ٹوئنٹی میں ہونے والے آسٹریلیا اور پاکستان کے مقابلے میں وہ کس کا ساتھ دیں گی۔
شنیرا اکرم نے سماجی رابطے کی ویب سائٹ ٹوئٹر پر جاری پیغام میں کہا کہ وہ آج کے اس اہم میچ میں پاکستان کے ساتھ ہوں گی۔سابق کرکٹر کی اہلیہ نے لکھا کہ میرا جواب ہے کہ میں سیمی فائنل میں پاکستان کی جیت کو پسند کروں گی کیونکہ مجھے اس سے زیادہ خوشی نہیں پاکستان کی ٹیم جیت کر آئے۔شنیرا نے مزید کہا کہ پاکستان کا خواب پورا ہوگا، ٹیم ٹی ٹوئنٹی ورلڈکپ کی ٹرافی ہاتھوں میں اٹھائے گی لیکن اگر آسٹریلیا جیتتا ہے مجھے تب بھی خوشی ہی ہوگی۔
اس سے قبل شنیرا سے ٹوئٹر پر ایک صارف نے سوال کیا تھا کہ آپ سیمی فائنل میں اپنے ملک آسٹریلیا کی حمایت کریں گی یا اپنے شوہر کے ملک پاکستان کی؟ اس پر شنیرا نے صارفین سے سوال کیا تھا کہ آپ بتائیں میں کسے سپورٹ کروں گی۔
My answer is I’d love PAK to win because nothing would make me happier than to see the cricket fanatic country I have grown to love go the distance. Lifting the #t20WorldCup would be a dream come true for Pakistan! But if Australia win, Ofcourse I’d be really happy too #PAKvAUS
— Shaniera Akram (@iamShaniera) November 11, 2021
خیال رہے کہ ٹی ٹوئنٹی ورلڈکپ کا دوسرا سیمی فائنل آج ٹورنامنٹ میں ناقابلِ شکست پاکستان اور آسٹریلیا کے درمیان دبئی میں پاکستانی وقت کے مطابق شام 7 بجے کھیلا جائے گا۔
