صدر مملکت ڈاکٹر عارف علوی طبیعت ناسازی کے باعث مختصررخصت پر چلے گئے ہیں۔

مسلم لیگ ن کے صدر شہبازشریف آج ملک کے 23 ویں وزیراعظم منتخب ہو گئے ہیں، جن کی حلف برداری کی تقریب آج شام کو ہو گی۔

دوسری جانب ذرائع کے مطابق صدر مملکت ڈاکٹر عارف علوی مختصر رخصت پر چلے گئے ہیں، اور وہ نو منتخب وزیراعظم شہباز شریف سے حلف بھی نہیں لیں گے۔

ذرائع کا کہنا ہے کہ چیئرمین سینیٹ صادق سنجرانی شہباز شریف سے حلف لیں گے۔

ذرائع نے بتایا ہے کہ  صدر مملکت عارف علوی علیل ہو گئے اور ڈاکٹر نے صدرمملکت کے معائنے کے بعد انہیں چند روز آرام کا مشورہ دیا ہے۔