سابق وزیر اطلاعات و قانون فواد چوہدری نے کہا ہے کہ شہبازشریف کی لیٹر گیٹ کی تحقیقات مسترد کرتے ہیں۔
ٹوئٹر پر جاری اپنے بیان میں فواد چوہدری نے کہا کہ شہباز شریف کی لیٹر گیٹ سکینڈل کی تحقیقات کرانے کی پیشکش کو مسترد کرتے ہیں۔ انہوں نے کہا کہ یہ خود کو این آر او دینے کی بھونڈی کوشش ہے۔
شہباز شریف کی لیٹر گیٹ اسکینڈل کی تحقیقات کرانے کی پیشکش کو مسترد کرتے ہیں، یہ خود کو NRO دینے کی بھونڈی کوشش ہے، لیٹر گیٹ کی تحقیقات کیلئے سپریم کورٹ کو آزاد کمیشن بنانا چاہئے جس کی سربراہی ایسے شخص کے پاس ہو جس پر کوئ انگلی نہ اٹھا سکے۔۔
— Ch Fawad Hussain (@fawadchaudhry) April 11, 2022
فواد چوہدری نے مطالبہ کیا کہ لیٹر گیٹ کی تحقیقات کیلئے سپریم کورٹ کو آزاد کمیشن بنانا چاہئے جس کی سربراہی ایسے شخص کے پاس ہو جس پر کوئی انگلی نہ اٹھا سکے۔
یاد رہے کہ وزیراعظم منتخب ہونے کے بعد شہبازشریف نے قومی اسمبلی اجلاس میں خطاب کرتے ہوئے کہا کہ میں بطور منتخب وزیراعظم کے کہتا ہوں کہ پارلیمنٹ کی قومی سلامتی کمیٹی میں خط پیش کیا جائے جس میں مسلح افواج کے سربراہان بھی موجود ہوں، جس میں ڈی جی آئی ایس آئی، سیکرٹری خارجہ اور وہ سفیر بھی ہوں،میں پہلی فرصت میں ان کیمرا سیشن کا انتظام کروا کر خط پر بریفنگ کرواتا ہوں۔
