وزیراعظم منتخب ہونے کے بعد ترک صدر رجب طیب اردوان نے وزیراعظم شہباز شریف کو ٹیلی فون کرکے مبارکباد دی ہے۔

ٹیلیفونک گفتگو میں ترک صدر کا کہنا تھا کہ آپ کے وزیراعظم منتخب ہونے کی خبر پر بے حد مسرور ہوں، یقین ہے آپ کی قیادت میں پاک ترکی برادرانہ تعلقات میں مزید مضبوطی آئے گی۔

وزیراعظم شہبازشریف نے مبارکباد پر ترک صدر کا شکریہ ادا کیا اور کہا کہ پاکستان اور ترکی بااعتماد بھائی ہیں۔ انہوں نے کہا کہ دونوں ملکوں کے تعلقات میں مزید قربت لانا چاہتے ہیں۔

واضح رہے کہ شہباز شریف کے وزیراعظم منتخب ہونے کے بعد کسی غیرملکی سربراہ مملکت کی جانب سےیہ  پہلا رابطہ ہے اور انہیں مبارکباد دی گئی ہے۔