پی ٹی آئی رہنماؤں نے نام ایف آئی اے اسٹاپ لسٹ میں شامل کرنے کا اقدام اسلام آبادہائیکورٹ میں چیلنچ کر دیا۔
تفصیلات کے مطابق تحریکِ انصاف کے رہنما شہزاد اکبراورشہباز گِل اسٹاپ لسٹ میں اپنے نام ڈالنے جانے کے خلاف درخواست عدالت میں دائرکی ہے جو سماعت کے لیے مقررکردی گئی ہے۔
چیف جسٹس اسلام آباد ہائی کورٹ اطہرمن اللہ کچھ دیر میں سماعت کریں گے۔عدالت میں درخواست شہزاد اکبر کی جانب سے دائر کی گئی ہے۔
اسلام آباد ہائ کورٹ میں دائر کی گئی درخواست میں مؤقف اختیار کیا گیا ہے کہ بیرونِ ملک روانگی پر پابندی خلافِ قانون ہے، ہمارے خلاف کوئی مقدمہ نہیں، کوئی الزام تک نہیں۔
تحریک انصاف کے دونوں رہنماؤں نے عدالت سے استدعا کی ہے کہ بیرونِ ملک روانگی کے لیے ہم پرعائد کی گئی پابندی ختم کی جائے۔