قومی کرکٹ ٹیم کے کپتان بابر اعظم کے والد نے ٹی ٹوئنٹی ورلڈکپ کے سیمی فائنل سے قبل قومی کھلاڑیوں کیلئے نیک خواہشات کا اظہار کیا ہے۔
بابر اعظم کے والد کی طرف سے انسٹاگرام پر ایک پوسٹ شیئر کی گئی، پوسٹ میں شاعر مخدومؔ محی الدین کے اشعار لکھے تھے جس کے الفاظ کچھ یوں تھے۔حیات لے کے چلو کائنات لے کے چلو، چلو تو سارے زمانے کو ساتھ لے کے چلو۔
بابر اعظم کے والد نے قومی ٹیم کیلئے پیغام دیا کہ آپ اپنا بہترین کریں، ہماری قوم آپ کی کامیابی کیلئے دعا مانگ رہی ہے۔انہوں نے لکھا کہ ہم کم ترین آپ کیلئے سجدے میں ہیں، پاکستان زندہ آباد۔
واضح رہے کہ پاکستانی ٹیم آج دبئی انٹرنیشنل کرکٹ اسٹیڈیم میں آسٹریلیا کیخلاف اپنا سیمی فائنل کھیلے گی جب کہ نیوزی لینڈ پہلے ہی فائنل کیلئے کوالیفائی کرچکا ہے۔
