وزیراعظم میاں شہباز شریف آج کراچی کا ایک روزہ دورہ کریں گے۔

اسلام آباد – (اے پی پی): وزیراعظم آفس کے میڈیا ونگ کی طرف سے جاری بیان کے مطابق کراچی میں وزیراعظم شہباز شریف اتحادی جماعتوں کے سربراہان کے ہمراہ مزار قائد پر حاضری دیں گے۔

وزیراعظم شہباز شریف کے مزار قائد پر حاضری کا مقصد پاکستان کی تعمیر و ترقی کیلئے قائداعظم کے وضع کردہ سنہری اصولوں کی پیروی کا اعادہ کرنا ہے۔ مزار قائد پر حاضری کے بعد وزیراعظم وزیر اعلی ہاؤس سندھ کا دورہ کریں گے۔ وزیراعظم کراچی میں ترقیاتی منصوبوں کی حکمت عملی کیلئے مشاورتی عمل کی صدارت بھی کریں گے۔

واضح رہے کہ بطور وزیراعظم یہ شہباز شریف کا پہلا دورہ کراچی ہے۔