پاکستان اسٹاک ایکسچینج  میں12 اپریل کے کاروبار کا مثبت رجحان رہا اور 100 انڈیکس 2022ء کی بلند ترین سطح پر بند ہوا ہے۔

تفصیلات کے مطابق تین سیشنز میں انڈیکس 2 ہزار 620 پوائنٹس تک اضافہ ہوا،جس کے مطابق  سرمایہ کاروں کا تین دن کا منافع 357 ارب روپے ہے۔100 انڈیکس آج 46 ہزار 407 پوائنٹس پر بند ہوا ہے، بندش سے قبل 100 انڈیکس پانچ سو 64 پوائنٹس کے بینڈ میں رہا۔

 بھاری حجم پر انڈیکس ڈھائی سو پوائنٹس منفی بھی ہوا ہے، اور تین سو پوائنٹس مثبت بھی، کاروبار کا اختتام البتہ 262 پوائنٹس اضافے پر ہوا۔

مارکیٹ میں 49کروڑ 35 لاکھ شیئرز کے سودے ہوئے جن کی مالیت 13 ارب 85 کروڑ روپے سے زائد رہی، مارکیٹ کیپٹلائزیشن 27 ارب روپے بڑھ کر 7 ہزار 737 ارب روپے ہے۔