متحدہ عرب امارات کی اعلی قیادت کی جانب سے وزیر اعظم شہباز شریف کو تہنیتی پیغامات بھیجے گئے ہیں۔
اماراتی سفارت خانہ کے مطابق متحدہ عرب امارات کے صدر شیخ خلیفہ بن زاید آل نہیان نے محمد شہباز شریف کو وزیر اعظم اسلامی جمہوریہ پاکستان منتخب ہونے پر تہنیتی پیغام بھیجا ہے۔
اماراتی سفارت خانہ ابوظبی کے ولی عہد اور اماراتی مسلح افواج کے نائب سپہ سالار شیخ محمد بن زايد آل نہيان نے بھی محمد شہباز شریف کو وزیر اعظم اسلامی جمہوریہ پاکستان منتخب ہونے پر مبارکباد کا پیغام بھیجا ہے۔علاوہ ازیں متحدہ عرب امارات کے نائب صدر و وزير اعظم اور دبئی کے حکمران شیخ محمد بن راشد آل مكتوم نے بھی محمد شہباز شریف کو وزیر اعظم اسلامی جمہوریہ پاکستان منتخب ہونے پر مبارکباد پیش کرتے ہوئے پیغام بھیجا ہے۔
واضح رہے کہ روس، چین، بھارت اور امریکہ نے بھی شہباز شریف کو وزیر اعظم پاکستان منتخب ہونے پر مبارکباد پیش کی ہیں۔