امریکہ اور بھارت نے پاکستان پرزور دیا ہے کہ دہشت گردی کیخلاف ٹھوس کارروائی کرے اور اپنی سرزمین کو کسی بھی دوسرے ملک کے خلاف استعمال نہ ہونے دے۔

عالمی خبر رساں ادارے  کی رپورٹ کے مطابق واشنگٹن ڈی سی میں بھارت اور امریکہ کے درمیان جاری ٹو پلس ٹو ڈائیلاگ کے اختتام پر جاری مشترکہ بیان میں پاکستان پر دہشت گردی کے خلاف ٹھوس، فوری اور پائیدار کارروائی کرنے کیلئے زور دیا گیا ہے۔

مشترکہ بیان میں مزید کہا گیا ہے کہ پاکستانی حکام اس بات کو بھی یقینی بنائیں کہ ان کے زیر انتظام کوئی بھی علاقہ دہشت گرد حملوں کیلئے استعمال نہ ہو۔ بیان میں ممبئی اور پٹھان کوٹ حملوں کے ذمہ داروں کے خلاف قانونی کارروائی کا بھی مطالبہ کیا گیا ہے۔

واضح رہے کہ ٹو پلس ٹو ڈائیلاگ میں بھارت اپنے 4 اتحادیوں امریکہ، روس، آسٹریلیا اور جاپان کے ساتھ اسٹریٹجک مذاکرات کرتا ہے، بھارت کے وزیر خارجہ اور وزیر دفاع ان مذاکرات میں شریک ہوتے ہیں۔