عالمی بینک نے ایشیائی ممالک کے متعلق معاشی رپورٹ جاری کی ہے، جس کے مطابق رواں مالی سال پاکستان کی معاشی شرح نمو 4.3 فیصد تک رہنے کا امکان ہے۔

عالمی بینک نے پاکستان کے معاشی اعدادوشمار کی بنیاد پر پیش گوئی کی ہے کہ آئندہ برس پاکستان میں جی ڈی پی گروتھ 4 فیصد رہے گی۔

واضح رہے کہ گزشتہ مالی سال پاکستان کی شرح نمو 5.6 فیصد تھی۔

ورلڈ بینک کی رپورٹ کے مطابق پاکستان کیلئے انرجی سیکٹرمیں سبسڈی ایک  بڑاچیلنج ہے، خطے کے دیگر ممالک کی نسبت پاکستان میں انرجی سیکٹر میں سبسڈی سب سے زیادہ ہے۔

عالمی بینک کے مطابق رواں برس جنوبی ایشیا میں گروتھ 6.6 فیصد رہنےکا امکان ہے۔ بھارت 8، بنگلہ دیش 6.4 اورمالدیپ کی 7.6 فیصد گروتھ رہے گی۔ علاوہ ازیں نیپال شرح نمو 3.7، بھوٹان 4.4،سری لنکا میں 2.4فیصد رہنے کا امکان ہے۔