سعودی عرب میں دنیا کے سب سے بڑے عطرالکلام نامی مقابلہ حسن قرات و حسن اذان کا انعقاد کیا گیا ہے۔
تفصیلات کے مطابق سعودی عرب کی جنرل انٹرٹینمنٹ اتھارٹی کے زیر اہتمام عالمی مقابلہ حسن نعت و قرات کا انعقاد کیا جا رہا ہے، جس میں دنیا بھر سے قراء اور موذن حصہ لے رہے ہیں۔
مذکورہ مقابلے میں حصہ لینے کیلئے دنیا بھر کے 80 ممالک سے 40 ہزار سے زائدافراد نے اپلائی کیا، جن میں سے مقابلے کے فائنل مراحل کیلئے 36 افراد کا انتخاب کیا گیا۔
بعد قليل حلقة جديدة يتنافس فيها المشاركين بالمرحلة الثانية من برنامج #عطر_الكلام 💫
تُعرض الساعة 5 مساءً على @saudiatv
والساعة 6 مساءً على منصة شاهد— الهيئة العامة للترفيه (@GEA_SA) April 13, 2022
یہ دنیا بھر میں اپنی منفرد حیثیت کا واحد پروگرام ہے جس میں حسن قرات اور حسن اذان کے مقابلوں کو یکجا کیا گیا ہے۔
اس مقابلے کی ریکارڈ کی گئی 19 اقساط رواں ماہ رمضان میں سعودی چینلز پر نشر کی جائیں گی، جبکہ فائنل مقابلے کو بھی بعد ازاں سعودی چینلز پر نشر کیا جائے گا۔
سعودی جنرل انٹرٹینمنٹ اتھارٹی نے اس پروگرام کا آغاز 2019ء میں کیا، جس کا مقصد دنیا بھر میں موجود قراء اور موذنین کی صلاحیتوں کو دنیا کے سامنے پیش کرنا تھا۔
مقابلے کے انعامات
عطرالکلام میں مجموعی طور پر 12 ملین سعودی ریال یعنی 3.2 ملین امریکی ڈالر کی رقم انعامات کے طور پر تقسیم کی جائے گی۔ مقابلہ حسن قرات میں پہلی پوزیشن حاصل کرنے والے کو 5 ملین، دوسری پوزیشن والے کو 2 ملین، تیسری پوزیشن حاصل کرنے والے کو ایک ملین جبکہ چوتھی پوزیشن حاصل کرنے والے قاری کو 0.5 ملین سعودی ریال کی انعامی رقم دی جائے گی۔
مقابلہ حسن اذان میں پہلی پوزیشن حاصل کرنے والے کو 2 ملین، دوسری پوزیشن حاصل کرنے والے کو 1 ملین، تیسری پوزیشن حاصل کرنے والے 0.5 ملین جبکہ چوتھی پوزیشن حاصل کرنے والے موذن کو 0.25ملین سعودی ریال انعامی رقم دی جائے گی۔
منافسة كبيرة شهدتها الحلقة 11 من برنامج #عطر_الكلام ✨
الذي يُعرض يوميًّا على قناة السعودية ومنصة شاهد ❤️@OtrElkalam pic.twitter.com/CIwqkgjBPQ
— الهيئة العامة للترفيه (@GEA_SA) April 12, 2022
سعودی جنرل انٹرٹینمنٹ اتھارٹی نے دنیا بھر سے قراء اور موذنوں کی اس مقابلے میں شرکت کو یقینی بنانے کیلئے بہترین اقدامات کئے، جس کے تحت مقابلے میں اپلائی کرنے کیلئے سعودی عرب جانا ضروری نہیں تھا۔ اپلائی کرنے والوں کیلئے آن لائن 4 مرحلوں کا اہتمام کیا گیا، جس کے ذریعے دونوں کیٹیگریز یعنی حسن قرات و حسن اذان کیلئے مجموعی طور پر 36 افراد کا انتخاب کیا گیا۔ ان میں سے 18 افراد مقابلہ حسن قرات اور 18 افراد کا انتخاب مقابلہ حسن اذان کیلئے کیا گیا ہے۔
مقابلے میں پوزیشنز کا فیصلہ کرنے کیلئے پروگرام کی سیکرٹری جنرل سمیت 18 ممبرز پر مشتمل جیوری پینل ہو گا۔
واضح رہے کہ سعودی عرب میں ہونے والا یہ مقابلہ حسن قرات و حسن اذان شرکاء اور انعامی رقوم کے لحاظ سے دنیا کا سب سے بڑا پروگرام ہے۔
