چیئرمین پیپلز پارٹی بلاول بھٹو زرداری کا ڈی جی آئی ایس پی آر میجر جنرل بابر افتخار کی پریس کانفرنس پر رد عمل سامنے آگیا ہے۔

اپنے بیان میں بلاول بھٹو  کا کہنا تھا کہ ڈی جی آئی ایس پی آرکی پریس کانفرنس جمہوریت کیلئے ایک تازہ ہوا کا جھونکا ہے، جمہوریت اور آئین و قانون کی پاسداری کرنا نہ صرف اداروں بلکہ ہر پاکستانی کی ذمہ داری ہے۔

بلاول کا کہنا تھا کہ پاکستان کے تمام مسائل کا حل جمہوریت، جمہوریت اور مزید جمہوریت ہے، اگر ہم اسی راستے پر چلتے رہے تو کوئی پاکستان کی ترقی نہیں روک سکتا۔

یاد رہے کہ آج پریس کانفرنس میں ڈی جی آئی ایس پی آر میجر جنرل بابر افتخار کا کہنا تھا کہ فوج کا سیاست سے کوئی تعلق نہیں، ہمیں ان معاملات میں نہ گھسیٹا جائے۔ انہوں نے کہ ملک کا مستقبل صرف جمہوریت ہے، آئندہ مارشل لاء نہیں لگے گا۔