پاکستان تحریکِ انصاف کے رہنما شہباز گِل نے توشہ خانہ اسکینڈل کو ن لیگ کا شوشہ خانہ اسکینڈل قرار دیا ہے۔
تفصیلات کے مطابق انہوں نے سماجی رابطے کی ویب سائٹ ٹوئٹر پر جاری بیان میں کہا کہ یہ توشہ خانہ نہیں بلکہ ن کا شوشہ خانہ ہے۔شہباز گِل نے کہا کہ بات سادہ ہے کیا کوئی گفٹ خزانے سے چھپا کے رکھا گیا ہے ؟ جواب نہیں۔ سوال کیا قانون کے مطابق پورے پیسے جمع کروائے گئے ہیں، جواب ہاں ، پورے پیسے جمع ہوئے۔انہوں نے یہ بھی لکھا کہ کیا تمام چیزیں ٹیکس ڈپارٹمنٹ کے پاس ڈکلئیرہیں، جواب ہاں ڈکلئیر ہیں، عمران خان آپکی طرح کا چورفراڈ نہیں۔یاد رہے کہ گزشتہ روز وزیر اعظم شہباز شریف نے کہا کہ سابق وزیراعظم عمران خان نے توشہ خانہ سے ملنے
یہ توشہ خانہ نہیں بلکہ ن کا شوشہ خانہ ہے۔
بات سادہ ہے کیا کوئی گفٹ چھپا کے رکھا گیا جواب نہیں۔سوال کیا قانون کے مطابق پورے پیسے جمع کروائے ، جواب ہاں پورے ہیسے جمع ہوئے- کیا تمام چیزیں ٹیکس ڈپارٹمنٹ کے پاس ڈکلئیر ہیں، جواب ہاں ڈکلئیر ہیں۔
عمران خان آپکی طرح کا چور فراڈ نہیں
— Dr. Shahbaz GiLL (@SHABAZGIL) April 16, 2022
والے تحائف قواعد کے خلاف 14کروڑ روپے میں دبئی میں فروخت کیے گئے، قیمتی تحائف میں ڈائمنڈ جیولری ، بریسلٹ، گھڑیاں اور سیٹ شامل ہیں۔
دوسری جانب پی ٹی آئی رہنما فواد چوہدری نے کہا ہے کہ اگر کسی ملک نے گھڑی تحفے میں دی اور وہ سابق وزیراعظم نے حکومت سے خرید کر باہر جاکر فروخت کردی تو اس میں کیا جرم ہوا؟
انہوں نے کہا کہ جتنا یہ عمران خان پر کیچڑ اچھالنے کی کوشش کر رہے ہیں اتنے ہی یہ خود گندے ہو رہے ہیں۔
