پنجاب اسمبلی میں آج ہونے والے تشدد اور تصادم پر قاسم سوری کا بیان سامنے آگیا ہے ۔
تفصیلات کے مطابق قاسم خان سوری نے سماجی رابطے کی ویب سائٹ ٹوئٹر پر اپنے جاری کردہ ایک بیان میں کہا کہ پنجاب اسمبلی میں پرویز الہٰی اور دیگر حکومتی اراکینِ اسمبلی پر پولیس گردی اور اپوزیشن اراکینِ اسمبلی کے تشدد کی شدید مذمت کرتا ہوں۔
ان کا کہنا تھا کہ جب عوام کے منتخب نمائندوں پر امپورٹڈ لوگوں کو مسلط کیا جائے گا تو ایسے ہی نتائج آتے رہیں گے، خدارا پاکستان پر رحم کریں۔
پنجاب اسمبلی میں پرویز الہٰی اور دیگر حکومتی اراکینِ اسمبلی پر پولیس گردی اور اپوزیشن اراکینِ اسمبلی کے تشدد کی شدید مذمت کرتا ہوں، جب عوام کے منتخب نمائندوں پر امپورٹڈ لوگوں کو مسلط کیا جائے گا تو ایسے ہی نتائج آتے رہیں گے، خدارا پاکستان پر رحم کریں۔ #امپورٹڈ_حکومت_نامنظور pic.twitter.com/5fDJH8tkIk
— Qasim Khan Suri (@QasimKhanSuri) April 16, 2022
واضح رہے کہ پنجاب اسمبلی میں وزیر اعلیٰ کے انتخاب کے لئے اجلاس سے قبل شدید ہنگامہ ارائی کا واقعہ پیش آیا جس دوران ڈپٹی اسپیکر دوست مزاری کو حکومتی ارکان کی جانب سے شدید تشدد کا نشانہ بنایا گیا ہے۔
ہاتھا پائی میں سابق صوبائی وزیر خیال کاسترو سمیت سابق مشیر وزیر اعلیٰ عمر فاروق بھی شامل تھے جبکہ اسمبلی ممبران اور سیکیورٹی اہلکاروں نے بیچ بچاؤ کروایا ۔
بعد ازاں ڈپٹی اسپیکر ایوان چھوڑ کر چلے گئے۔
