پنجاب اسمبلی میں ہونے والے تشدد  اور تصادم  میں  خود پر ہونے والے ظلم  کیخلافپرویزالٰہی نےبڑا فیصلہ کر لیا ۔

تفصیلات کے مطابق پاکستان مسلم لیگ ق کے رہنما چوہدری پرویز الہٰی  پنجاب اسمبلی میں خود پر ہونے والے تشدد کے خلاف پولیس کو درخواست دینے کے لیے تھانے پہنچے جہاں انہوں نے مقدمے کیلئے درخواست دے دی۔چوہدری پرویز الہٰی پنجاب اسمبلی نے تھانا قلعہ گجر سنگھ میں اپنے اوپر ہونے والے تشدد کے خلاف درخواست جمع کروادی۔

واضح رہے کہ پنجاب اسمبلی میں چوہدری پرویز الہٰی بھی ہنگامہ آرائی کے نرغے میں آگئے، پرویز الہٰی ایوان میں تشدد سے زخمی ہوگئے۔ جس کے بعد  چوہدری پرویز الہٰی کو ایوان سے باہر نکال لیا گیا۔

پنجاب اسمبلی میں پرویز الہی کو بھی تشدد کا نشانہ بنایا گیا، زخمی پرویزالہٰی کے ہاتھ پر پٹی باندھی گئی۔اسپیکر پنجاب اسمبلی چوہدری پرویز الہٰی کا کہنا تھا کہ ان حکمرانوں نے مجھے جان سے مروانے کی کوشش کی، حمزہ شہباز آرڈر دے رہا تھا، پکڑ لو ، پکڑ لو ، مار دو ، مار دو۔