وزیراعظم شہباز شریف نے مہنگائی کے پیش نظر رمضان کے دوران پٹرولیم مصنوعات کی قیمتیں نہ بڑھانے کا فیصلہ کیا ہے۔

ذرائع کے مطابق حکومتی اتحادی اجلاس میں مہنگائی کا معاملہ اٹھایا گیا، جس میں انکشاف ہوا کہ گزشتہ حکومت نے پٹرولیم مصنوعات کی قیمتیں غیر فطری طور پر نہیں بڑھائیں، تاہم حکومتی اجلاس میں شامل تمام اراکین نے بھی  پٹرولیم مصنوعات کی قیمتیں نہ بڑھانے کی تجویز دے دی۔

اس موقع پر وزیراعظم شہباز شریف نے کہا کہ رمضان المبارک کے دوران پٹرولیم مصنوعات کی قیمتیں نہیں بڑھائیں گے۔

یاد رہے کہ سابق وزیراعظم عمران خان نے پٹرول اور بجلی کی قیمتیں آئندہ بجٹ تک نہ بڑھانے کا اعلان کیا تھا۔