خیبر پختون خوا کے ضلع ہنگو کے قومی اسمبلی کے حلقے این اے 33 کی خالی نشست پر ضمنی الیکشن کے لیے پولنگ جاری ہے۔

ضمنی انتخاب میں 5 امیدوار حصہ لے رہے ہیں، جن میں تحریکِ انصاف کے ڈاکٹر ندیم خیال، جمعیت علمائے اسلام کے مفتی عبید اللّٰہ، اے این پی کے سعید عمر اور 2 آزاد امید وار عتیق احمد اور محمد سعید شامل ہیں۔

ترجمان الیکشن کمیشن آف پاکستان کے مطابق صبح 8 بجے شروع ہونے والی پولنگ شام 5 بجے تک بغیر کسی وقفے کے جاری رہے گی۔اس حلقے میں 3 لاکھ 14 ہزار 77 ووٹرز اپنا حقِ رائے دہی استعمال کر رہے ہیں۔یہ نشست پی ٹی آئی کے ایم این اے حاجی خیال کے انتقال کے بعد خالی ہوئی تھی۔