پاکستان اور بین الاقوامی مالیاتی ادارے (آئی ایم ایف ) کے حکام کے درمیان مذاکرات بحال کرنےکا فیصلہ کر لیا گیا ہے۔
تفصیلات کے مطابق ذرائع کا کہنا ہے کہ پاکستان اور آئی ایم ایف کے مابین مذاکرات بحال ہونے جا رہے ہیں، حکومت کل واشنگٹن میں حکام سے مذاکرات کرے گی۔ذرائع نے بتایا کہ آئی ایم ایف سے بات چیت وہیں سے شروع ہوگی جہاں رکی تھی، اور پاکستان سے آئی ایم ایف پروگرام باقاعدہ بحال ہونے کا اعلان کیا جائے گا۔
ذرائع کے مطابق آئی ایم ایف پاکستان کو ایک ارب ڈالر کی قسط دینے کا فیصلہ کرے گا، آئی ایم ایف نئی حکومت کے تحفظات پر بھی گفتگو کرے گا۔ذرائع نے مزید بتایا کہ آئی ایم ایف مذاکرات میں سبسڈیز، ایمنسٹی اسکیم اور نئی شرائط پر غور ہوگا، مذاکرات میں اہم شخصیات ورچوئل طور سے حصہ لیں گی۔
