قلعہ گجر سنگھ لا ہور پولیس نے اسپیکر صوبائی اسمبلی پر ویز الٰہی پر تشدد کا مقدمہ بغیر میڈیکل ر پورٹ کے درج کرنے سے انکار کر دیا ۔
تفصیلات کے مطابق ڈپٹی اسپیکر پنجاب اسمبلی دوست مزاری پر تشدد اور اسمبلی میں ہنگامہ آرائی کا مقدمہ درج کر دیا گیا، جس میں اقدام قتل، سرکاری امور میں مداخلت اور دیگر دفعات کو شامل کیا گیا ہے۔
دوسری طرف اسپیکر چوہدری پرویز الہٰی پر تشدد کا مقدمہ تاحال درج نہ ہو سکا، پنجاب اسمبلی میں ہنگامہ آرائی کے دوران اسپیکر چوہدری پرویز الہٰی کو مبینہ تشدد کا نشانہ بنایا گیا تھا، جس پر انھوں نے مقدمے کے اندراج کے لیے تھانہ قلعہ گجر سنگھ خود جا کر درخواست دی تھی۔
تاہم قلعہ گجر سنگھ پولیس نے پرویز الہٰی کو اپنا میڈیکل کرانے کی ہدایت کر دی، تھانے نے ان کو میڈیکل کرانے کے لیے لیٹر بھی جاری کر دیا ہے، جس میں کہا گیا ہے کہ میڈیکل کرانے آئیں تا کہ معائنے کے بعد مزید کارروائی کی جا سکے۔
دوسری جانب حمزہ شہباز کی آج رات حلف اٹھانے کی تقریب ہونا ہے جو کہ کھٹائی میں پڑنے کا شکار ہو سکتا ہے ۔
پر ویز الٰہی اس حوالے سے واضح کر چکے ہیں کہ میں جعلی وزیر اعلیٰ کو نہیں مانتا ،کسٹوڈین میں ہو ں گا ۔
