وزیراعظم شہبازشریف نے صوابدیدی اختیارات کا استعمال کرتے ہوئے گورنر پنجاب کو عہدے سے ہٹا دیا ، عمر سرفراز چیمہ کو فوری گورنر ہاؤس چھوڑنے کی ہدایت کردی۔وفاقی حکومت نے گورنر پنجاب کو ہٹانے کی سمری صدر کو بھیج دی۔
ذرائع کا کہنا ہے کہ اس سے قبل وفاقی حکومت نے گورنر پنجاب کو ہٹانے کا فیصلہ کیا تھا، جس کے بعد انہیں عہدے سے ہٹا دیا گیا ہے۔اس سے قبل گورنر پنجاب عمر سرفراز چیمہ کا کہنا تھا کہ حمزہ شہباز سے حلف لینے کا ابھی فیصلہ نہیں کیا ہے، آئینی ماہرین کی مشاورت کے بعد اس پر فیصلہ کرونگا۔
گورنر پنجاب کا کہنا ہے بطور گورنراسمبلی کی کارروائی کی رپورٹ مانگی ہے، رپورٹ پر ریویو کررہےہیں،فیصلہ مشاورت سے کرینگے۔عمر سرفراز چیمہ کا کہنا تھا کہ ن ش کی لڑائی میں انھوں نےجمہوریت کو نقصان پہنچایاہے، پرویزالہیٰ پر تشدد افسوس ناک ہے،اسکی مذمت کرتے ہیں، سب کا کردارقوم کے سامنے آگیاہے۔
دوسری جانب ڈپٹی اسپيکر پنجاب اسمبلی نے حمزہ شہباز کی بطور وزيراعلیٰ کامیابی کا نوٹفیکشن گورنرہاؤس کوبجھوادیا۔ نوٹيفکيشن ميں گورنرہاؤس کی جانب سے حمزہ شہبازکی کاميابی کا اعلاميہ جاری کرنے کا مطالبہ کيا گيا ہے
