لندن میں نواز شریف کے گھر کے باہر پی ٹی آئی کے کارکنوں نے احتجاجی مظاہرہ کیا۔
صورتحال کشیدہ ہونے پرپولیس کی بھاری نفری طلب کرلی گئی۔
پی ٹی آئی کے کارکنوں کی بڑی تعداد میاں نوازشریف کی رہائشگاہ کے باہر جمع ہوگئی۔انہوں نے نعرے بازی کی اور لیگی کارکنوں پر انڈے پھینکے۔
دوسری جانب لندن میں مسلم لیگ (ن) کے کارکنوں نے جمائما گولڈ اسمتھ کے گھر کے باہر احتجاجی مظاہرہ بھی کیا۔
اس حوالے سے پاکستان تحریکِ انصاف (پی ٹی آئی)کے سربراہ اور سابق وزیرِ اعظم عمران خان کی سابق اہلیہ جمائما گولڈ اسمتھ نے اپنے ٹویٹر اکاونٹ پر کچھ اس طرح سے رد عمل دیا تھا کہ مسلم لیگ (ن) کے کارکن اتوار کو اُن کے گھر کے باہر احتجاجی مظاہرہ کرنے کا ارادہ رکھتے ہیں، حالاں کہ اُن کا پاکستانی سیاست سے کوئی لینا دینا نہیں ہے۔
Protests outside my house, targeting my children, antisemitic abuse on social media…. It’s almost like I’m back in 90s Lahore. #PuranaPakistan pic.twitter.com/0R2YOPcQrJ
— Jemima Goldsmith (@Jemima_Khan) April 15, 2022
جمائما نے ایک ٹوئٹ میں کہا کہ سوشل میڈیا پر اُن کے خلاف مہم چلائی جا رہی ہے جب کہ اُن کے بچوں کو بھی نشانہ بنایا جا رہا ہے اور ایسا لگتا ہے کہ وہی حالات واپس آ گئے ہیں جب 90کی دہائی میں وہ لاہور میں تھیں۔
اُن کا یہ بھی کہنا تھا کہ وہ اپنے سابق شوہر یا اپنے بھائیوں کے سیاسی فیصلوں یا بیانات کی ذمے دار نہیں ہیں۔
خیال رہے کہ آج کے دن جمائما کی رہائش گاہ کے باہر احتجاج کا منصوبہ مسلم لیگ (ن) کے رہنما عابد شیر علی نے بنا رکھا ہے جو کئی ماہ سے لندن میں ہی مقیم ہیں۔
