امیر جماعت اسلامی سراج الحق نے توشہ خانہ سے متعلق گزشتہ 30 سال کا ریکارڈ پبلک کرنے کا مطالبہ کیا ہے۔

اپنے بیان میں امیر جماعت اسلامی سراج الحق کا کہنا تھا کہ قوم جاننا چاہتی ہے مختلف وزرائے اعظم نے تحائف سے کتنا اور کیسے استفادہ حاصل کیا؟

انہوں نے کہا کہ قوم میں پولرائزیشن خطرناک صورت اختیار کرچکی ہے، سیاسی جماعتیں ہوش کے ناخن لیں، کیونکہ سیاست میں تشدد جمہوریت کیلئے تباہ کن ہے۔ انہوں نے نو منتخب وزیراعظم شہباز شریف سے مطالبہ کیا کہ وہ نئے اور پرانے منصوبوں پر توجہ مرکوز کرنے کی بجائےجلد اور شفاف انتخابات کے انعقاد کو یقینی بنائیں۔

سراج الحق کا کہنا تھا کہ انتخابات سے قبل الیکشن اصلاحات کیلئے سیاسی جماعتیں آپس میں مذاکرات کریں، اور عدلیہ، الیکشن کمیشن اورفوج سمیت تمام ادارے اپنی اپنی حدود میں رہ کر کام کریں۔