پاکستان مسلم لیگ (ن) کی نائب صدر مریم نواز نے سابق وزیراعظم عمران خان کے توشہ خانہ کے تحائف سے متعلق بیان پر ردعمل کا اظہار کیا ہے۔
یاد رہے کہ سابق وزیراعظم و پی ٹی آئی چیئرمین عمران خان نے میڈیا نمائندوں سے غیر رسمی گفتگو کرتے ہوئے توشہ خانہ تحائف کے متعلق کہا کہ میرا تحفہ ہے،میں جو مرضی کروں۔ عمران خان کا کہنا تھا کہ توشہ خانہ سے جو کچھ لیا وہ سب کچھ ریکارڈ پر ہے، ایک صدرنےگھرپرتحفہ بھجوایا تو وہ تحفہ توشہ خانہ بھیج کرآدھی قیمت ادا کرکے اپنے پاس رکھا۔انہوں نے کہا کہ ہم نے توشہ خانہ کی چیزوں کی قیمت 15سے بڑھاکر 50 فیصد کی، اگر میں نے پیسہ بناناہوتا تو اپنے گھرکوکیمپ آفس ڈیکلیئر کر کے کروڑوں روپیہ بناتا۔ فوجیوں کو بھی ڈی ایچ اے میں پلاٹ ملتے ہیں تو ان کی مرضی وہ جو چاہیں کریں۔
سابق وزیراعظم عمران خان کے بیان پر ردعمل میں ٹوئٹر پر جاری اپنے بیان میں مریم نواز نے کہا کہ تمہارا تحفہ تمہاری مرضی نہیں، تحفے بھی ریاست کے، مرضی بھی ریاست کی ہو گی۔
تمھارا تحفہ تمھاری مرضی نہیں۔ تحفے بھی ریاست کے، مرضی بھی ریاست کی ! اب تمھاری دھونس نہیں چلے گی! آنکھیں کھول لو، تمھاری جعلی حکومت اور تمھارا مستقبل، دونوں ختم ! حساب تو دینا پڑے گا انشاءاللّہ !
— Maryam Nawaz Sharif (@MaryamNSharif) April 18, 2022
انہوں نے کہا کہ اب تمھاری دھونس نہیں چلے گی، آنکھیں کھول لو، تمہاری جعلی حکومت اور تمہارا مستقبل، دونوں ختم ہو چکے ہیں، آپ کو حساب تو دینا پڑے گا۔
