پاکستان تحریک انصاف کا لاہور جلسہ ناکام بنانے کی حکمت عملی کو حتمی شکل دے دی گئی ہے۔

پاکستان ٹیلی کمیونیکیشن اتھارٹی (پی ٹی اے) کا کہنا ہے کہ 21 اپریل کے روز صارفین کو انٹرنیٹ کی رفتار میں کمی کا سامنا کرنا پڑسکتا ہے۔

پی ٹی اے نے ٹوئٹر پر جاری اپنے  بیان میں کہا ہے کہ بین الاقوامی سب میرین کیبل ایس ایم ڈبلیو 4کے ایک حصے پر پاور کی ری کنفیگریشن سرگرمی 21 اپریل 2022ء کو دوپہر 02:00 بجے سے شام 07:00 بجے تک کی جائے گی، جس کی وجہ سے کچھ انٹرنیٹ صارفین کو رفتار میں کمی کا سامنا کرنا پڑ سکتا ہے۔

پی ٹی اے کا کہنا تھا کہ بینڈوتھ کی ضرورت کو پورا کرنے اور صارفین کو جلد از جلد مکمل طور پر فعال و بلاتعطل انٹرنیٹ خدمات کی فراہمی کیلئے متبادل اقدامات کئے جائیں گے۔

یاد رہے کہ پاکستان تحریک انصاف کی عوامی رابطہ مہم میں تیسرا بڑا جلسہ 21 اپریل کو لاہور میں ہو گا، جس میں چیئرمین پی ٹی آئی عمران خان خطاب کریں گے۔ تاہم عوامی ردعمل سے بچنے کیلئے سب مرین کیبل کی مرمت کیلئے 21 اپریل کا انتخاب کیا گیا ہے۔