وفاقی وزیر اطلاعات مریم اورنگزیب نے وزیر اعظم ہاوس سے متعلق میڈیا پر بے بنیاد اور من گھڑت باتوں  کی تر دید کر دی ۔

تصیلات کے مطابق وفاقی وزیر اطلاعات مریم اورنگزیب نے  پریس کانفرنس کے دوران  صحافیوں سے بات کرتے ہوئے کہا کہ  سوشل میڈیاپربےبنیاداورمن گھڑت خبروں کاسلسلہ رکنا چاہئے ،  وزیراعظم ہاؤس کےعلاوہ کسی اورجگہ کوکیمپ آفس ڈکلیئرنہیں کیا۔

مریم اورنگزیب کا کہنا تھا پولیس اورانتظامی عملےکی کسی بھی جگہ تعیناتی کی خبریں درست نہیں، ایسی کسی بھی بےبنیادخبرسےپہلےتصدیق کرلیں، سوشل میڈیاصارفین ایسےمنفی پروپیگنڈےکومستردکریں۔

خیال رہے کہ سوشل میڈیا پر وزیر اعظم شہباز شریف کے کیمپ ہاؤسز سے متعلق مختلف افواہیں گردش کر رہی ہیں ، کہیں یہ کہا جا رہا ہے کہ لاہور میں  تین مختلف گھروں کو شہباز شریف کے کیمپ ہاؤس کا درجہ دے دیا گیا ہے تو کہیں یہ افواہیں گردش کر رہی ہیں کہ جاتی امراء کی سکیورٹی پر سینکروں پولیس اہلکاروں کو تعینات کیا گیا ہے ۔