پیپلزپارٹی کے چیئرمین بلاول بھٹو زرداری لندن پہنچ گئے جہاں وہ مسلم لیگ ن کے قائد نواز شریف سے ملاقات کریں گے۔
بلاول بھٹو زرداری پیپلز پارٹی کے وفد کے ساتھ مسلم لیگ ن کے قائد نواز شریف سے ملاقات کریں گے۔
ذرائع کے مطابق ملاقات میں صدر مملکت، چیئرمین سینیٹ اور گورنر پنجاب کے عہدوں سے متعلق مشاورت ہوگی۔
خیال رہے کہ بلاول بھٹو نے گزشتہ روز وفاقی وزراء کی تقریبِ حلف برداری میں شرکت کے باوجود حلف نہیں اُٹھایا تھا۔
ذرائع کا کہنا ہے کہ وطن واپسی پر بلاول کے حلف اٹھانے کا امکان ہے جبکہ ذرائع کا یہ بھی کہنا ہے کہ بلاول بھٹو نے بطور وزیر خارجہ حلف محسن داوڑ کی کابینہ میں شمولیت سے مشروط کیا ہے۔
