کمالیہ کے گاؤں کھوکھراں والی میں 80 سالہ معمر خاتون کا مبینہ طور پر ریپ کرنے والے ملزم کو پنجاب پولیس نے آج ساتھی سمیت گرفتار کر لیا ہے۔
پنجاب پولیس کے مطابق آئی جی پنجاب راؤ سردار علی خان کی ہدایت پر ڈی پی او ٹوبہ ٹیک سنگھ نے 80سالہ بزرگ خاتون سے زیادتی کے مرتکب جنسی درندے مجاہد کو ساتھی سمیت گرفتار کر لیا ہے، پنجاب پولیس کا مزید کہنا ہے کہ ملزمان کو عدالتوں سے سخت سزا دلوانے کیلئے ڈی پی او کو کیس کی ذاتی نگرانی کی ہدایات بھی جاری کی گئی ہیں۔
آئی جی پنجاب راؤ سردار علی خان کی ہدایت پر ڈی پی او ٹوبہ ٹیک سنگھ نے اسی سالہ بزرگ خاتون سے زیادتی کے مرتکب جنسی درندے مجاہد کو ساتھی سمیت گرفتار کر لیا ، ملزمان کو عدالتوں سے سخت سزا دلوانے کیلئے ڈی پی او کو کیس کی ذاتی نگرانی کی ہدایت ۔@siasatpk https://t.co/quZIV8mh2d pic.twitter.com/t6XVHDfpSm
— Punjab Police Official (@OfficialDPRPP) November 14, 2021
یاد رہے کہ 80 سالہ معمر خاتون کے ساتھ ریپ کا واقعہ ضلع ٹوبہ ٹیک سنگھ میں کمالیہ کے گاؤں کھوکھراں والی میں پیش آیا تھا جب ایک بیوہ خاتون نے صدر پولیس سٹیشن میں رپورٹ درج کرائی کہ وہ رات کو اپنے گھر میں سو رہی تھیں کہ جب گاؤں چھا راجے والی کا رہائشی ملزم آدھی رات کو ان کے گھر میں گھس آیا، اور انہیں رسی سے باندھ کر ان کا ریپ کر ڈالا۔
واقعہ رپورٹ ہونے کے بعد وزیراعظم کے معاون خصوصی شہباز گل نے کہا کہ اس واقعے کو اعلیٰ ترین سطح پر مانیٹر کیا جائے گا اور مجرم کو قرار واقعی سزا ملے گی۔
اس واقعے کو اعلی ترین سطح پر مانیٹر کیا جائے گا اور مجرم کو قرار واقعی سزا ملے گی۔ https://t.co/D560Gt8CPW
— Dr. Shahbaz GiLL (@SHABAZGIL) November 13, 2021
