وزیراعظم شہباز شریف نے میران شاہ میں جدید یونیورسٹی اور میڈیکل کالج کے قیام کا اعلان کیا ہے۔
اسلام آباد – (اے پی پی): وزیر اعظم میڈیا آفس سے جاری بیان کے مطابق وزیر اعظم نےشمالی وزیرستان کے بچوں کو جدید تعلیم سے آراستہ کرنے کے لیےدانش سکول کے قیام کا اعلان بھی کیا۔
وزیر اعظم نےشمالی وزیرستان کے ہونہار طلباء کے لئے میران شاہ میں میڈیکل کالج کے قیام کا اعلان کیا ہے۔وزیراعظم شہباز شریف نے شمالی وزیرستان میں فوری موبائل ہسپتال جو تمام میڈیکل کی سہولیات سے آراستہ ہوگا، کے قیام کا اعلان کیا۔
علاوہ ازیں وزیر اعظم شہبازشریف نے کہا کہ شمالی وزیرستان میں امن کے پیچھے ہماری مسلح افواج اور علاقہ کے عوام کی بے پناہ قربانیاں ہیں،پاکستان سے زیادہ دہشت گردی کے خلاف جنگ میں کسی اور ملک نے اتنی مشکلات نہیں دیکھی ہیں۔
ٹوئٹر پر جاری اپنے بیان میں انہوں نے کہا کہ ہم ان عظیم قربانیوں پراپنے جوانوں اور عوام کو ان کی بہادری اور عزم پرسلام پیش کرتے ہیں۔ انہوں نے کہا کہ شمالی وزیرستان کے عوام دہشت گردوں کے ہاتھوں طویل عرصہ مشکلات میں گھرے رہے۔
د شمالي وزیرستان خلک د دھشتګردانو په لاس د ډیری مودې راهیسې ځپل شوي دي.
نن مې شمالي وزیرستان ته د خپل سفر په مهال یو پوهنتون، د دانش سکول سیسټم او میډیکل کالج تعمیرولو اعلان وکړو. دی سره یو موبائل ہسپتال به زر ته شمالی وزیرستان تہ اولاړ شی
— Shehbaz Sharif (@CMShehbaz) April 21, 2022
میں نے جمعرات کوشمالی وزیرستان کے دورہ کے دوران جدید یونیورسٹی،میڈیکل کالج،دانش سکول سسٹم کے قیام کا اعلان کیا۔جدید ٹیکنالوجی کا حامل موبائل ہسپتال جو علاقہ میں کہیں بھی فوری طرف پر منتقل کیا جاسکے کے قیام کا بھی اعلان کیا ہے۔
