وفاقی وزیر برائے موسمیاتی تبدیلی شیری رحمان نے عہدہ سنبھالتے ہی بڑا اعلان کر دیا ۔
تفصیلات کے مطابق شیری رحمان نے ارتھ ڈے کے موقع پر پلاسٹک کی بوتلیں استعمال نہ کرنے کا اعلان کیا۔
اس کے علاوہ وزارت ماحولیات میں ناقابل تجدید پلاسٹک بوٹلز اور دیگر اشیا پر پابندی کا فیصلہ کیا گیا ہے۔ اس حوالے سے وفاقی وزیر کا کہنا تھاکہ اپنی زندگی سے ناقابل تجدید پلاسٹک کے استعمال کو ختم کرکے کرہ ارض کو بچائیں، اپنے گھر، دفتر اور آس پاس یہ تبدیلی اپنائیں۔
ان کا کہنا تھاکہ زمینی وسائل کا بےدریغ استعمال آلودگی اوردیگرماحولیاتی مسائل کاسبب بن رہاہے۔
ان کا کہنا تھاکہ گلوبل وارمنگ اورماحولیاتی آلودگی سے ہمارے گلیشیئرز اور جنگلات ختم ہورہے ہیں، جب ہماری زمین سانس لے گی تو ہم بھی سانس لے سکیں گے ورنہ نہیں۔
