پاکستان کےاتھلیٹس کیلئے اچھی خبر آگئی ،انٹرنیشنل اولمپک کمیٹی  کی جانب سے  اسکالر شپس دینے کا اعلان  کیا گیا ہے ۔

تفصیلات کے مطابق پاکستان کے 12 ایتھلیٹس کو انٹرنیشنل اولمپک کمیٹی( آئی او سی)  اولمپک سالیڈیریٹی  کی جانب سے اسکالر شپ مل گئی۔

پاکستان کے بارہ اتھلیٹس کو 2024 کی سمر اولمپکس گیمز پیرس کی تیاریوں کے سلسلے میں اولمپک اسکالر شپ دینے کا فیصلہ کیا گیا ہے۔

اسکالر شپ پروگرام کے تحت ایتھلیٹس کو تیاریوں کے لیے بہترین سہولیات مہیا کی جائیں گی، جس کےلیے ہر ایتھلیٹ کو 650 ڈالرز ( یعنی 1 لاکھ 21 ہزار پاکستانی روپے سے زائد) ماہانہ اسکالرشپ دی جائے گی۔

ذرائع کے مطابق  اسکالر شپ کے لیے منتخب کھلاڑیوں میں ارشد ندیم،ماحور شہزاد،عثمان چاند،گلفام جوزف، انا ابتسام ،کشمالہ طلعت، رسم گل، جہاں آرا نبی، پرنیا زمان خان، محمد نوح دستگیر بٹ شامل ہیں ۔

واضح رہے کہ پاکستان اولمپکس ایسوسی ایشن نے ایتھلیٹس کے لیے اسکالر شپ کی درخواست کی تھی۔