طالبان نے امریکہ اور نیٹوفورسز کی چھوڑی ہوئی بکتر بندگاڑیوں کے ساتھ کابل کی سڑکوں پر فوجی پریڈ کی ہے۔

عالمی میڈیا کے مطابق اس پریڈ کے دوران روسی ایم آئی 17 ہیلی کاپٹرز نےبھی  پروازیں کیں۔ میڈیا رپورٹس میں بتایا گیا کہ پریڈ میں طالبان فوجیوں نے امریکی ساختہ ایم فور رائفلز سمیت دیگر جدید اسلحہ اٹھا رکھا تھا۔

پریڈ کے متعلق افغان وزارت دفاع کے ترجمان عنایت اللہ خوارزمی نے میڈیا سے گفتگو کرتے ہوئے کہا  کہ پریڈ طالبان کے نئے تربیت یافتہ 250فوجیوں کی گریجویشن کا حصہ تھی جنہوں نے 14 نومبر 2021ء کو اپنی تربیت مکمل کی ہے۔

افغان فوجیوں کی پریڈ پر عالمی مبصرین کا کہنا ہے کہ نظم وضبط دیکھ کر لگ رہا ہے کہ طالبان ایک جنگجو تنظیم سے تبدیل ہو کر ایک روائتی فوج بن رہے ہیں۔