وفاقی حکومت میں شمولیت کے بعد سندھ حکومت میں شمولیت کیلئے ایم کیو ایم اور پیپلز پارٹی کے رہنماؤں کے درمیان اہم میٹنگ ہوئی ہے۔
تفصیلات کے مطابق ایم کیو ایم پاکستان کے وفد خواجہ اظہار الحسن سمیت دیگر رہنماؤں نے ناصر حسین شاہ کی سربراہی میں پیپلز پارٹی کے وفد سے ملاقات کی۔
ذرائع کے طابق ایم کیو ایم قیادت نے وفاق سے گورنر سندھ کا عہدہ، جبکہ سندھ حکومت سے فوری طور پر ایڈمنسٹریٹر کراچی کے عہدے سمیت آئی ٹی، ٹرانسپورٹ، یونیورسٹی بورڈ کی وزارتوں کیساتھ ایڈمنسٹریٹر حیدرآباد اور سرکاری نوکریوں میں کوٹا سسٹم پر عملدرآمد سمیت دیگر نکات پر تفصیلی گفتگو کی۔
ذرائع کا کہنا ہے کہ اس اہم ملاقات میں پیپلز پارٹی کے وفد نے ایم کیو ایم وفد کو بلاول بھٹوزرداری سے مشاورت کے بعد معاہدے پر مکمل عملدرآمد کی یقینی دہانی کرادی۔
